PROLOG UPACARA ADAT

PROLOG  ANAK

IBU  BAPA......NITIH WANCI NU MUSTARI  NINGGANG MANGSA NUUTAMA ,DINTEN IEU ABDI SEJA PAMIT ,TOS WAKTOSNA ABDI MIANG SEJA TANDANG NYORANG KAHAYANG .

GENEP TAUN LAMINA ABDI DIATIK SARENG DIDIDIK KU IBU KALIH KU BAPA, DIDORONG KUKARIDOAN  DIDADASARAN  KUKAIKLASAN  ,TAYA RASA NGARASULA  ,TAYA PAMRIH NU DIPEREDIH MUNG HIJI HAREPAN  SALIRA,ABDI JANTEN JALMI ANU GUNA KANGO  NUSA ,BANGSA  SARENG AGAMANA.TEU SAAT–SAAT  GOLONTOR KANYAAH IBU TEU KENDAT-KENDAT KAASIH KAHEMAN BAPA ,KEDAH KUMAHA ABDI MULANG TARIMANA TAYA KAMAMPUH ABDI KANGO NGABALESNA,ANGING KA ALLAH ABDI SUMERAH ,YA ROBBI,PIKADEUDEUH PIKAASIH ARANJEUNA GURU-GURU ABDI SAKUMAHA ARANJEUNA PARANTOS MIKADEUDEUH MIKAASIH KAABDI  SADAYA YAROBBI,MUGI SADAYA KASAEAN  IBU-BAPA GURU MASING JANTEN AMAL SARTA DIBALES KU ALLAH SWT

IBU BAPA HAPUNTEN ABDI ,SALAMI GENEP TAUN TANGTOS SEUEUR  PISAN KALEPATAN ,TINGKAH LAKU UCAP SARENG LAMPAH   ANU MATAK NGAJAHEUTKEUN MANAH SALIRA,MUGI SALIRA NGAHAPUNTEN KALAYAN IKLAS KANA SAMUDAYANING KALEPATAN ABDI-ABDI SADAYA.

PAMUNGKAS ABDI SEJA MEREDIH DUA TI IBU  BAPA SADAYA ,SANGKAN TIASA KAHONTAL SAGALA CITA –CITA .

IBU.........BAPA........PILEULEUYAN.......PILEULEUYAN........

HAPUNTEN ABDI -ABDI SADAYA...

PR0LOG GURU

BRAL.....ANAKING GEURA MIANG,PANGDUA IBU SARENG BAPA MARENGAN HIDEP SADAYA.PANGAMPURA TI IBU SARENG TIBAPA TEU KUDU DIPENTA ,IBU JEUNG BAPA GEUS  LEUWIH TIHEULA NGAHAMPURA HIDEP ,JALAN GEDE SASAPUAN TEU GEUNEUK TEU MALEUKMEUK ,CAANG BULAN OPAT BELAS

JUNG GEURA SUNGSI PANGARTI ,PRAK TEANGAN PANGABISA,MUDAH MUDAHAN NAON RUPA CITA –CITA HIDEP MASING TINEKANAN.IBU BAPA NGADUA KAGUSTI NU MAHA SUCI, SADAYA SISWA-SISWI PADAKATI,CIBENDA HIJI SING JADI SISWA-SISWI NU BERPRESTASI,JADI MANUSA ANU BERGUNA PIKEUN KARAHARJAAN BANGSANA.DUA IBU JEUNG BAPA MARENGAN HIDEP.

YAALLAH.......YAROBBI.... MUGI GUSTI NGAPING NGAJARING  KAPUTRA  PUTRI DIDIK ABDI, DINA ENGGONING NGAHONTAL KAHAYANG NGUDAG  CITA- CITA.

YA ALLAH SALAMETKEUN ARANJEUNA TINA NAON RUPI PANCA BAHAYA, TEBIH TINA BALAI, PAREK REJEKI, MULUS RAHAYU, BERKAH SALAMET, JANTEN JALMI ANU NGABAKTI KA IBU RAMA,KA GURU SARENG KALEMAH CAI. 

ANU UNDUR GINULUR RAHAYU  ANU DATANG GINANJAR WALUYA .BRAL.....BRAL....BRAL... HIDEP GEURA TANDANG TONG SUMOREANG GEURA PAPAG MANGSA DATANG